終於來臨但又怱怱埋的一個尾

紐西蘭最後一篇，竟然一遲遲左整整個半月。

Rotorua溫泉之旅後，我地最後一站係Auckland，奧克蘭。奧克蘭有咩呢咁又？

反高潮既，係佢不過係普通既一個大城市，同威靈頓差不多咁普通。我甚至無拎過相機出黎，影過任何一幅相。大大話話我地其實係奧克蘭留左四日，整整四日，我地所做過既野，就係瘋狂咁去shopping。最離譜既，係同一間outlet，我地去左三日。

佢未必係一個唔靚既地方，不過我地已經係沿途俾所有靚景餵到飽一飽，而購買欲亦已經被壓抑到一個極至，所以呢個結果對我地黎講，一d都唔出人意表；尤其是我自從09年5月開始，已經無試過shopping既味道。

後果就係，我由頭到腳，無一樣野唔係新既。

資本主義萬歲！！！

美豔不可方物，用黎形容紐西蘭絕不為過。

雖然我非常享受整個過程，但係我未必推薦每一位都必定要去紐西蘭，最主要既原因係果度無得好好shopping（我地死lur係一個點shopping你就知道果度幾乏呢樣野），無一d好令人血脈澎湃既表演，沿途只有山水；如果你唔能夠將城市生活既步伐放慢，每一日將自己全情投入大自然，投入平靜既生活，你未必會覺得佢物有所值。

但如果你做得到，或者起碼肯努力去嘗試，你將會她獨特的美，吸引無比，每一個景物都將深深衝擊震撼你既心靈。

係時候去少幾次泰國台灣日本，將火力集中，將眼界掹大。

（我亦暗暗許下目標，希望可以係Lake Wanaka買到一間屋，移民過去又好，當渡假又好；諸位，祝我成功）